Erradioekologia

Erradioekologia substantzia erradioaktiboen eragina naturan aztertzen duen ekologiaren adarra da. Beste gaien artean, substantzien migrazioan mekanismo desberdinek duten garrantzia eta kate trofikoek zein ekosistemek nola xurgatzen dituzten aztertzen du.

Erradioekologia ikerketak

Erradioekologia ikerketek, besteak beste:

Lurreko lagin hautaketa egiten dute
Laborategiko esperimentuak egiten dituzte
Egoerak aurreikusteko simulazioak, aurreikusteko modeloak prestatzen dituzte

Lan interdisziplinarioa

Erradioekologian mota askotako teknikak eta jakintzak erabiltzen dira, zientzia klasikoetakoak (fisika, kimika, matematika, biologia eta ekologia), babespen erradiologikoaren kontzeptu aplikatuekin batera. Ikerketa erradioekologikoek erradiazio dosien estimazioak egiteko eta kutsadura erradioaktiboaren ondorioak gizakiengan eta ingurumenean ebaluatzeko oinarriak ematen dituzte.^[1]

Erreferentziak

↑ https://web.archive.org/web/20070909190148/http://www.ife.no/main_subjects_new/energy_environment/radiookologi/view?set_language=en&cl=en IFE - Radioecology