Jean-Baptiste Borthiri

Jean-Baptiste Borthiri
Bizitza
Jaiotza	Larraine, 1889ko maiatzaren 17a
Herrialdea	Zuberoa, Euskal Herria
Heriotza	Larraine, 1974 (84/85 urte)
Hezkuntza
Hizkuntzak	euskara frantsesa
Jarduerak
Jarduerak	bertsolaria
Jasotako sariak	ikusi Ohorezko Legioko zalduna
Zerbitzu militarra
Parte hartutako gatazkak	Lehen Mundu Gerra

Jean-Baptiste Borthiri^[1], Batixta Bortiri-Salla^[2] edo Jean-Baptiste Borthiry Sala^[3] (Larraine^[4] 1889ko maiatzaren 17a - 1974) Zuberoako idazle eta koblakaria^[5] zen.

Biografia

Larrainen jaio eta hil zen. Laborantzan lan egiten zuen.

Lehen Mundu Gerran aritu zen; 1915ean pairatu zituen zauri larrien ondorioz elbarritua geratu zen. Kartzelan ere egon behar izan zuen, Prusian.

Zauriak direla eta Bordeleko ospitale batean ibili zen; geroago hiri berean zurgin lanetan

Hil aurreko urteak Atharratzeko ospitalean eman zituen gaixo. Larraineko hilerrian dago lurperaturik.

Lanak

Bertsolari fama zuen baina ez da ezagutzen ahoz gehiegitan ibili zenik. Bertso paperetan zen trebea.

Zuberoako Sü Azia elkarteak bere zenbait idazki argitaratu zituen 1979an zabalpen urriko koaderno batean^[6].

Bere gai kutunak bi izan ziren:

Larraine bere herria. Adibidez Etxart aitasemeak eta Robert Larrandaburuk kantatutako Sor leküa^{[Betiko hautsitako esteka]}, 1908koa.
Gerra denborako tristurak. Honetaz idatzitako bertso sorta bat aukeratu zuen Jean-Louis Davantek bere erreferentziazko antologian (ikus "Iturriak").

Iturriak

Jean-Louis Davant: Zuberoako literaturaz. Antologia laburra, Euskaltzaindia, Bilbo, 2008. 96.or.

Bibliografia

Borthiry Sala: Larraintarrak; Huntü koblak, Sü Azia elkartea, Maule-Lextarre, 1979.

Erreferentziak

↑ Hau proposatuko dugu euskararako aldaera batzuen artean egin beharreko aukeran. Ikus adibidez badok.infon Sor leküari bere kantari buruzko aipua.
↑ Euskaraz hala idatzi da "Ekialdeko webgunean".^{[Betiko hautsitako esteka]}
↑ Davanten hitzetan.
↑ Davanten lanaren seriotasunari lehentasuna emango diogu; iturri batek, Igela aldizkariko 3. zenbakiak, 1962ko maiatzekoak Atharratzekoa zela aipatzen du baina Davanten lanak berriagoak eta seguruen kontrastatuago daude. Izen gisa Batista Sala agertzen da. "Ibiñagabeitia Proiektuan" bertan bada larraintartzat joa den testurik, kasu honetan Olerti aldizkariko 1994ko alean; biografia ere badakar.
↑ Hitz hori erabili ohi da Zuberoan "bertsolari" esateko.
↑ "Bibliografia" atalean dagoena.

Ikus, gainera

Kanpo estekak

Iturrietan aipatutako liburua pdf.n.
Borthiriri egindako grabaketa bat^{[Betiko hautsitako esteka]}, Xarles Bidegain euskaltzainaren eskutik.
Igela aldizkarian argitaratutako testu bat "Ibiñagabeitia Proiektuan".
Joseba Aurkenerena: Batixta Borthiri-Sala, Larraineko koblakaria [1]