Narciso Ibáñez Serrador

Narciso Ibáñez Serrador
Irudi gehiago
Bizitza
Jaiotza	Montevideo, 1935eko uztailaren 4a
Herrialdea	Uruguai  Espainia
Heriotza	Madril, 2019ko ekainaren 7a (83 urte)
Hobiratze lekua	Cementerio de San José (en)
Heriotza modua	: Gaixotasun neurodegeneratiboa
Familia
Aita	Narciso Ibáñez Menta
Ama	Pepita Serrador
Hezkuntza
Hizkuntzak	gaztelania
Jarduerak
Jarduerak	idazlea, film-zuzendaria, margolaria, gidoilaria, telebista aurkezlea, zinema ekoizlea, errealizadorea eta aktorea

Narciso Ibáñez Serrador —Chicho Ibáñez Serrador eta Luis Peñafiel izen-deiturez ere ezaguna— (Montevideo, Uruguai, 1935eko uztailaren 4a - Madril, 2019ko ekainaren 7a) zinema- eta telebista-zuzendaria izan zen. Uruguain jaioa, Espainian bizi zen 1947az geroztik. Telebistarako egin zituen saioek ospe handia eman zioten. Bereziki aipagarriak ditu Un, dos, tres... responda otra vez —lehen garaikoa (1972-1978) izan zen arrakastatsuena, nahiz eta gero (1982tik 1988ra eta 1991tik 1994ra) jarraipena izan zuen— eta Hablemos de sexo (1990), non maisutasun handiz bildu baitzituen dibertsioa eta pedagogia, umorea, erotismoa eta kultura.

Bizitza

Gurasoak antzezleak zituen, eta antzerki-lanak idazten hasi zen. Geroago, ordea, zinemarako eta telebistarako idatzi zuen. RTVEren hasieran, Historias de la frivolidad (1967) egin zuen, zeinetan erotismoaren eta zentsuraren arteko historian zeharreko borrokari buruzko ikuspegi umoretsua eskaintzen baitzuen. Aitzitik, Historias para no dormir (1970) saioan beldurrezko istorioak kontatzen ziren. Zineman, aldiz, La residencia (1969) eta ¿Quién puede matar a un niño? (1976) beldurrezko filmak zuzendu zituen. Berrikiago, eta RTVErentzat betiere, Waku-Waku (1990) eta El semáforo idatzi eta zuzendu zituen.

Erreferentziak

• Datuak: Q2429535
• Multimedia: Narciso Ibáñez Serrador / Q2429535