Oinarri banda

Oinarri banda seinale digitalak berezko maiztasun-banda aldatu gabe (modulatu gabe) igortzen diren transmisio-teknika da.

Sarrera

Normalean, oinarri banda kilometro gutxiko distantzietarako erabiltzen da, banda zabaleko modemen beharrik ez dituela. Uhin-indargabetzearen ondorioz, seinalea birsortzeko errepikagailuak beharrezkoak dira.

Oinarri bandan oinarritzen diren teknikarik ezagunenak CSMA/CD (Ethernet) eta Token Ring dira.

Seinale baten transmisioak kanal osoa hartzen du, ondorioz kanalaren banda-zabalera, osorik erabiltzen du. Informazio-iturri desberdineko datu multzoen aldibereko transmisioa, pultsuak tartekatuz lortzen da, hau da, denbora-multiplexazio prozeduraren bidez (TDM).