Pablo Turrillas

Pablo Turrillas
Bizitza
Jaiotza	Deba, 1963ko abenduaren 18a (60 urte)
Herrialdea	Gipuzkoa, Euskal Herria
Hezkuntza
Hizkuntzak	gaztelania euskara
Jarduerak
Jarduerak	futbolaria eta futbol entrenatzailea
Ibilbidea Taldeak Urteak J G

Pablo Turrillas Arantzeta (Deba, 1963ko abenduaren 18a) gipuzkoar futbol entrenatzailea eta futbolari ohia da. Gaur egun Sestao River futbol taldea zuzentzen du 2. B Mailan.^[1]

Futbolaria

Jokalari moduan hainbat taldetan aritu zen 80 eta 90. hamarkadetan (Amaikak-Bat, Cultural Durango eta Elgoibar, besteak beste). Turrillas aritu zen kirol mailarik altuena bigarren B maila izan zen:^[2] bi urtez Cultural Durangon eta Elgoibarren.

30 urte zituela futbolari izateari utzi behar izan zion belaunean lesio larri bat izan ondoren.^[3]

Entrenatzaile ibilbidea

Nahiz eta Geografia eta Historian lizentziatua izan eta diseinu grafikoan lan egin futbola izan da bere bizitzaren ardatza.^[4] Bere futbolarekiko hasierak jaioterriko futbol-taldean egin zituen. Baina Turrillasen arrakastarik handiena 3. Mailako futbol-entrenatzaile izatean datza. Gauzak horrela 500 partidu bete zituen entrenatzaile lanetan 2015-16 denboraldian berak zuzendutako Lagun Onak taldearekin Santutxuren aurkako partiduan, 2016ko martxoaren 16an^[5] Apurtzeko marka oso zaila gaur egun izan ere ez da batere erraza erregulartasuna izatea maila honetan.

2016ko azaroan 2. B mailako Sestao Riverrekin fitxatzen du, estreinakoz estatuko brontzezko mailan entrenatuz.

Lorpenak

• 2003-04: Bizkaiko Ohorezko futbol mailako txapelduna Cultural Durangorekin eta 3. Mailarako txartela.
• 2005-06: 3. Mailako txapeldunordea Gernika Klubarekin.
• 2009-10: Gipuzkoako Gorengoen Mailako txapelketa Anaitasuna Kirol Klubarekin eta Gipuzkoako Ohorezko Erregionalerako txartela.
• 2015-16: 500 partida zuzenduta 3. Mailan.

Entrenatu dituen futbolari ezagunak

• Joseba Del Olmo – 2014-15ean entrenatu zuen - Athleticen aritu zen Lehen Mailan.
• Koikili Lertxundi – 2004-05ean entrenatu zuen - Athleticeko jokalari ohi otxandiarra.
• Txema Añibarro - 2004-05ean entrenatu zuen - Lehen Mailan jokatu zuen Eibar futbol taldearekin.
• Luciano Iturrino – 2000-01ean entrenatu zuen - Lehen Mailako hainbat taldetan ibilia, bere azkeneko hilabeteak profesional mailan Pablo Turrillasen zuzendaritzapean eman zituen.
• Isaac Aketxe – 2008-09an entrenatu zuen - Athleticekin debutatu zuen Lehen Mailan.
• Iñaki Goikoetxea – 2000-01ean entrenatu zuen - Bigarren Mailan aritutako futbolari gipuzkoarra.
• Gorka Badiola - 2000-01ean entrenatu zuen - Ondarrutar futbolariak Bigarren Mailan jokatu zuen Bilbao Athleticekin.
• Jon Aingeru Novoa Arias - 2005-06an entrenatu zuen - Bilbao Athleticen eta Sestao Riverren aritu zen Bigarren Mailan.
• Iñigo Uribarri Aberasturi - 2005-06 eta 2006-07an entrenatu zuen - Numancian eta Eibarren jokatu zuen Gernikan jaiotako futbolari honek Bigarren Mailan.
• Imanol Franco Barrena - 2008-09an entrenatu zuen - Bigarren Mailan jokatu zuen Sestao River, Leganes eta Almerian.
• Raúl Calle - 2008-09an entrenatu zuen - Sestao Riveren jokatu zuen Bigarren Mailan.
• Galder Zubizarreta - 2011-12 eta 2012-13an entrenatu zuen - Bigarren Mailan aritu zen futbolean Burgos CF, Eibar eta Algecirasekin.
• Gorka Soria - 2011-12an entrenatu zuen - Eibar, Racing de Ferrol eta Ponferradina futbol taldeek izan zuten beren artean Bigarren Mailan jokatzen.

Erreferentziak

• Datuak: Q21496381