Rita Azevedo Gomes

Rita Azevedo Gomes
Bizitza
Jaiotza	Lisboa, 1952 (71/72 urte)
Herrialdea	Portugal
Lehen hizkuntza	portugesa
Hezkuntza
Hizkuntzak	portugesa
Jarduerak
Jarduerak	film-zuzendaria, gidoilaria eta film-muntatzailea

Rita Azevedo Gomes (Lisboa, Portugal, 1952) Portugalgo zinema-zuzendaria, errealizatzailea eta argumentatzailea portugaldarra da; baita zinema-jaialdi ugaritan saritu egin dute: Torino International Festival of Young Cine, Caminhos del Cine Português, DocLisboa eta Ale Canariako Lanas Palmasko Nazioarteko Zinemaldian. Artista grafikoa ere bada, eta Cinemateca Portugaleko argitalpenen arduradun ere. Han, programação delakoaren azala eta erakusketa espazioaren arduraduna da.

Ibilbidea

Arte Ederren ikasketak hasi zituen, baina bertan behera utzi zituen, zinemaren munduan interesatuta baitzegoen, eta arlo horretan prestakuntza autodidakta izan du.

Oso gaztea zela, Manoel de Oliveirari (1908-2015) aurkeztu zion bere burua, 1979an Amor de perdição, Camilo Castelo Brancoren eleberri-maisulana, ikusi ondoren. Jantzi-laguntzaile postua lortu zuen hurrengo filmazioan. Harekiko adiskidetasun progresiboak, azkenean, portugaldar zinema patriarkaren eta João Bénard da Costa kritikariaren arteko elkarrizketa bat filmatzea ekarri zuen, 2007an

1993az geroztik, Portugalgo zinemagintzako argitalpenen programatzaile eta arduraduna izan da.

1990eko O som da Terra a Tremer filmarekin hasi zuen filmatze ibilbidea. Denbora asko behar izan du izena lortzeko, nahiz eta kalitatea izan. Azken filmak hauek dira: La venganza de una mujer, 2014an (Espainian estreinatua) eta Competências, 2016an.

Aitortzak

• Espainiako filmotekak ziklo bat eskaini zion Rita Azevedo Gomesi 2017ko maiatzean.^[1]

• 2023an, ZINEBI, Bilboko Zinema Dokumentalaren eta film laburren lehiaketaren 65. edizioan Ohorezko Mikeldia jaso zuen egindako lanagatik.^[2]

  Film at Lincoln Centerreko programatzailea den Cecilia Barrionuevo programatzaileak adierazten duen bezala: "Zinemagile gisa egindako ibilbidea aitortzeko. Bere lanetan, klasikoak eta modernoak bat egiten dute, eta erreala fikzioarekin lotzen da, beren loturak birformulatuz, eta konbentzioak hautsiz”.^[3]

Zinema

• O som da Terra a Tremer, 1990
• Frágil Como o Mundo, 2002
• Altar, 2002
• A Conquista de Faro, 2005
• A 15ª Pedra, 2007, Manoel de Oliveirari buruzko dokumentala
• A Colecção Invisível, 2009
• La venganza de una mujer, 2012
• Correspondências, (Sophia de Mello Breyner Andresen eta Jorge de Sena poetek elkarri bidalitako gutunetan oinarritutako dokumentala) 2016
• La portuguesa, (Robert Musilek idatzitako ipuin omonimoan oinarrituta, Agustina Bessa-Luis idazleak sortutako elkarrizketekin) 2018
• Danzas macabras, esqueletos y otras fantasías, 2019 ( P. Léon eta J. L. Schefer-ekin lankidetzan)
• O Trio em Mi Bemol, (Éric Rohmer zinemagile eta literatur irakaslearen pieza baten egokitzapena), 2022

Erreferentziak

• Babelia, 20-5-2017, p. 5 ("Azevedo Gomes, el encuentro entre cine y literatura", por Elsa Fernández-Santos)

Kanpo estekak

• ZINEBIren Ohorezko Mikeldi saria jaso zuen 2023an Zinebi.eus
• Rita Azevedo Gomesen biografiari buruzko elkarrizketa José Fialho Gouveiarekin - RTPren artxiboak
• Rita Azevedo Gomes IMDb datubasean.
• Master Class bat Rita Azevedo Gomes zinemagilearekins - Mexikoko unibertsitatean Zinema Garaikideko Zinemaldian (México, 2019)
• LEFFEST'19 festibalean Frágil Como o Mundo - Rita Azevedo Gomesekin elkarrizketan (Lisboa Film Festival, 2019)

• Datuak: Q30904744