Sarong
Saronga Asiako hegoaldean eta hego-ekialdean (Malaysia, Indonesia...), Arabiar penintsulan, Afrikako Adarrean eta Ozeano Bareko uharte batzuetan erabiltzen den gona estu baten antzeko jantzia da.
Gizonezkoek nahiz emakumezkoek erabili ohi dute. Kolore bizi ikusgarriak izaten ditu, eta lauzpabost metrokoa da. Gorputzaren behealdea estaltzen du, eta gerrian lotzen da, gona baten gisa. Belaunetaraino edo orkatiletarainoko luzera izan dezake.
Sarong preziatuenak Batu Barakoak eta Sumatrakoak dira: urrezko hariz ehunduak izaten dira.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
| Autoritate kontrola |
|
|---|
Datuak: Q322781
Multimedia: Sarongs / Q322781
