Titan (mitologia)

Greziar mitologian, titanak (antzinako grezieraz: Τιτάν, Titan), Olinpoko jainko-jainkosen aurretik gobernatu zuten alegiazko jainko-jainkosa ahaltsuak ziren.

Uranoren eta Gaiaren seme-alabak ziren. Hesiodoren Teogoniaren arabera, hamabi ziren: sei seme (titanak) eta sei alaba (titanideak; antzinako grekoa: Tιτάνις singularrean eta Tιτάνιδες pluralean). Apolodoro Atenaskoak, dena den, hamahirugarren bat aipatu zuen: Dione, Tea titanidearen bikoiztetik sortua.

Hauek ziren:

• Titanak
  • Zeo
  • Krio
  • Kronos
  • Hiperion
  • Japeto
  • Ozeano

• Titanideak
  • Mnemosine
  • Febe
  • Rea
  • Tea
  • Temis
  • Tetis

Titanak, berez, lehen belaunaldikoak baino ez badira ere, batzuetan haien ondorengo batzuei (bigarren belaunaldia) ere ematen zaie titan izena: Prometeo, Epimeteo, Atlas, Hesperos, Mentios, Hekate, Asteria, Leto, Eos, Helios, Selene; Perses, Palas, Astreos, Astrea, Eosforos eta abar.

Titanak Olinpoko hamabi jainkoen aurretik egon ziren agintean. Titanomakian («titanen gerra»), Olinpoko jainkoek, Zeus buru, garaitu egin zituzten; orduan, titan gehienak Tartaron, inframunduko eskualderik sakonenean, espetxeratu zituzten.

Ikus, gainera

• Greziar mitologia

Kanpo estekak

• Datuak: Q45713
• Multimedia: Titans / Q45713