VfL Wolfsburg

VfL Wolfsburg

Ezizena(k)	Die Wölfe (Otsoak)
Sorrera	1945
Futbol zelaia	Volkswagen Arena edukiera: 30.000 lagun inaugurazioa: 2002
Presidentea	Frank Witter
Entrenatzailea	Niko Kovač
Liga	Bundesliga
2022-23	8.a
Webgunea	Webgune ofiziala
Etxekoa 　 Kanpokoa

VfL Wolfsburg (izen osoa Verein für Leibesübungen Wolfsburg e. V.) Alemaniako futbol taldea da, Wolfsburg hirikoa, 1945an sortu eta 2009an liga irabaztea lortu zuen.

Historia

Wolfsburgen Stadt des KdF-Wagen taldea sortu zen 1938an baina 1945en VfL Wolfsburg izenaz birfundatu zen. Hamarkadatan hirugarren eta bigarren mailatan aritu zen. 1995ean Alemaniako Kopako finala jokatu zen baina Borussia Mönchengladbachek 3-0 garaitu zuen.

1997an lehen mailan egin zuen debuta eta 1999an laugarren postuarentzako borrokan ibili ondoren azkenean seigarren postuarekin konformatu behar izan zuen. Hurrengo urteetan ere postu onak egin zituen eta urtero jokatu zuen UEFA Intertoto Kopa.

2009an bere lehenengo titulua eskuratu zuen, Bundesliga. Neguko etenaldiaren ondoren 10 partida jarraian irabazi zituen eta hor egon zen bukaerako garaipenaren giltza. Hurrengo urteetan sailkapenaren erdialdean ibili ondoren 2015ean bigarren egin zuen Bundesligan eta Alemaniako Kopa irabazi zuen Borussia Dortmundi 3-1 irabaziz. 2016-17 eta 2017-18 denboraldietan ordea larri ibili zen eta maila galtzear egon zen, baina play-offetan mantentzea lortu zuen. 2020-21ean laugarrena izan da eta Txapeldunen Ligarako sailkatu da.

Uniformea

Kolore berdea eta zuria konbinatzen ditu VfL Wolfsburg taldeak bere ekipamenduan. Azken urteetan "X" bat darama buklarrean.

2016-2017

2017-2018

2018-2019

2019-2020

2020-2021

2021-2022

Palmaresa

• Alemaniako Liga:
  • Irabazi (1): 2009.
  • Bigarren (1): 2015.
• Alemaniako Kopa:
  • Txapelduna (1): 2015.
  • Finalista (1): 1995.
• Alemaniako Superkopa:
  • Txapelduna (1): 2015.
  • Finalista (1): 2009.

Emakumezkoen taldea

2003an eratu zen Emakumezkoen futbol atala. Azken hamarkadan maila bikaina hartu du eta bi aldiz irabazi du Txapeldunen Liga.

• Garaipenak:
  • Txapeldunen Liga:
    • Txapelduna (2): 2013, 2014
    • Finalista (1): 2016.
  • Alemaniako Liga (5): 2013, 2014, 2017, 2018, 2019.
  • Alemaniako Kopa (6): 2013, 2015, 2016, 2017, 2018, 2019.

Kanpo estekak

• (Alemanez) Webgune ofiziala

• Datuak: Q101859
• Multimedia: VfL Wolfsburg / Q101859